ભુક્કા બોલાવતો હાથીયો : ગુજરાતમાં જામ્યો ફરી વરસાદી માહોલ

મિત્રો રાજ્યમાં ચોમાસું પૂર્ણ થવા તરફ આગળ વધી રહ્યું છે ત્યારે ફરીથી હવામાન વિભાગની આગાહી મુજબ ગુજરાતના કેટલાક વિસ્તારોમાં પવન સાથે વરસાદ પડવાની શક્યતા છે.

આજે સવારથી જ સમગ્ર ગુજરાતની અંદર ખાસ કરીને સૌરાષ્ટ્ર અને દક્ષિણ ગુજરાત તેમજ ઉત્તર ગુજરાતના થોડા જીલ્લાની અંદર વરસાદી માહોલ જામ્યો છે અને ભારે પવન સાથે વરસાદ પડી રહ્યો છે.

આપણે જાણીએ છીએ કે હાલમાં હાથીયો નક્ષત્ર ચાલી રહ્યો છે, નક્ષત્રની શરૂઆતમાં જ ગુજરાત ઉપર ભારેથી અતિભારે વરસાદ ખાબક્યો હતો અને નદીનાળા, ડેમો બધું ભરાઈ ચૂક્યું હતું પરંતુ હવે જતાં જતાં પોતાની પૂંછડી ફેરવતો આવતો જાય છે તેમ સમગ્ર ગુજરાતમાં વરસાદી માહોલ જોવા મળી રહ્યો છે અને કડાકા અને ભડાકા સાથે વરસાદ પડી રહ્યો છે.

હવામાન વિભાગની આગાહી મુજબ હાલમાં કોઈ વરસાદની સિસ્ટમ નથી પરંતુ ભેજવાળા વાતાવરણને કારણે વરસાદ આવી શકે છે અને હજુ પણ વાતાવરણમાં ભેજનું પ્રમાણ હોવાથી વાદળો બંધાય રહ્યા છે અને આગામી બે દિવસની અંદર ચોમાસુ પૂર્ણ થવા તરફ આગળ વધશે.

ચોમાસુ વિદાય લેવાની તૈયારીમાં છે ત્યારે આજે અમદાવાદના સેટેલાઈટ, નવા રાણીપ, ગોતા સહિતના અનેક વિસ્તારોમાં વાદળછાયું વાતાવરણ છે અને ધોધમાર વરસાદ વરસ્યો હતો આ સાથે સૌરાષ્ટ્રના અમરેલી, જામનગર, રાજકોટ, જુનાગઢ અને અમરેલીમાં વરસાદ પડ્યો છે અને બપોર બાદ દક્ષિણ ગુજરાતના સુરત જિલ્લામાં પણ કડાકા અને ભડાકા સાથે વરસાદ શરૂ થયો છે.

અંબાલાલ પટેલે કહ્યું છે કે આગામી 8 થી લઈને 12 ઓક્ટોબર સુધી ગુજરાતમાં વરસાદ પડી શકે છે જ્યારે 12 ઓક્ટોબર સુધીમાં ગુજરાતના દરિયાકાંઠે ભારે પવન ફૂંકાશે. અંબાલાલ પટેલની આગાહીને જોતા ખેડૂતોની ચિંતામાં વધારો જોવા મળી રહ્યો છે.

નોંધ : અહી મુકવામાં આવતી વરસાદની આગાહીએ હવામાનના વિવિધ મોડેલ ઉપર એનાલિસિસ કરી અને એક અંગત તારણ રજૂ કરવામાં આવે છે. માટે અહીં આવતી આગાહીને લક્ષમાં રાખીને કોઈ પણ ખાનગી નિર્ણય કરવા નહીં.

હવામાન સંબંધિત બધીજ પરિસ્થિતિઓમાં ભારતીય હવામાન વિભાગની સૂચનાઓને અનુસરવું.