આ વિસ્તારોમાં પડશે ઠંડીની સાથે માવઠું, દિવાળી બગડશે? અંબાલાલ પટેલની મોટી આગાહી

મિત્રો આપણે જાણીએ છીએ કે ગુજરાતમાં હવે શિયાળાની શરૂઆત થઈ ગઈ છે ત્યારે હજુ પણ અમુક અમુક વિસ્તારોમાં વરસાદી ઝાપટા પડી રહ્યા છે જેને લઈને ખેડૂતોના પાકને ભારે નુકસાન થઈ રહ્યું છે, જોકે ચોમાસામાં પડેલા ભારે વરસાદના કારણે હવે પાકમાં કાઈ જ બચ્યું પણ નથી.

હવામાન નિષ્ણાત અંબાલાલ પટેલ દ્વારા શિયાળામાં માવઠાની આગાહી કરવામાં આવી છે તેમણે જણાવ્યું કે હવામાં હજુ પણ ભેજ છે તેમજ દરિયાકિનારે ભેજવાળી ચીકણી હવા જોવા મળે છે એટલે ગુજરાતના અમુક વિસ્તારોમાં શિયાળામાં પણ માવઠાની અસર જોવા મળશે.

તેમણે જણાવ્યું કે હાડ થીજાવતી ઠંડીની શરૂઆત દિવાળી પછીના દિવસોમાં થશે પરંતુ દિવાળી અને બેસતા વર્ષ પહેલા દરિયાકિનારાના વિસ્તારમાં તેમજ ઉત્તર ગુજરાત અને મધ્ય ગુજરાતના જિલ્લાઓમાં માવઠા આવી શકે છે.

અંબાલાલ પટેલે જણાવ્યું કે ગુજરાતમાં શિયાળાની શરૂઆત ધીમે ધીમે થવાની છે પરંતુ હિમાલય, જમ્મુ તેમજ લેહ અને ઉત્તરાખંડમાં 27 તારીખથી 30 તારીખ સુધીમાં બરફ પડવા લાગશે જેના કારણે દિલ્હી, પંજાબ, હરિયાણા, રાજસ્થાન અને ગુજરાતમાં ઠંડીનો ચમકારો જોવા મળશે.

હાલમાં ગુજરાતમાં ત્રણ ઋતુ નજરે પડે છે, સવારમાં કાતિલ ઠંડી, બપોરે સખત તાપ અને ત્યાર બાદ અમુક અમુક જિલ્લામાં ઝાપટાં પણ પડે છે અને ફરીથી સાંજે ઠંડીનો કહેર.

આ પ્રકારની ઋતુને કારણે લોકોએ પોતાના સ્વાસ્થ્યનું પણ ધ્યાન રાખવું ખૂબ જ જરૂરી છે કેમ કે આવા સમયમાં રોગચાળો વધી જાય છે કેમ કે શરીરનીની રોગપ્રતિકારક શક્તિ આવી અચાનક બદલતી ઋતુમાં રક્ષણ આપી શકતી નથી.

આ સાથે અંબાલાલ પટેલે પવન વાહક નક્ષત્રોના યોગને કારણે વાવાઝોડાની શક્યતા પણ દર્શાવી છે.

તેમણે જણાવ્યું છે કે બંગાળની ખાડી અને અરબી સમુદ્રમાં વાવાઝોડાની શક્યતા છે જેની અસર નવેમ્બર અને ડિસેમ્બર મહિનામાં જોવા મળશે.

તો મિત્રો આવી રીતે ગુજરાતના લોકોએ શિયાળામાં ઠંડી ઉપરાંત માવઠા અને આ પ્રકારના ચક્રવાતોનો સામનો કરવો પડશે.

નોંધ : અહી મુકવામાં આવતી વરસાદની આગાહીએ હવામાનના વિવિધ મોડેલ ઉપર એનાલિસિસ કરી અને એક અંગત તારણ રજૂ કરવામાં આવે છે. માટે અહીં આવતી આગાહીને લક્ષમાં રાખીને કોઈ પણ ખાનગી નિર્ણય કરવા નહીં.

હવામાન સંબંધિત બધીજ પરિસ્થિતિઓમાં ભારતીય હવામાન વિભાગની સૂચનાઓને અનુસરવું.